रा.कॉ.एरंडोल तालुकाध्यक्षपदी भागवत पाटील तर शहराध्यक्षपदी अ‍ॅड. ईश्वर बिर्‍हाडे.
प्रतिनिधी एरंडोल – राष्ट्रवादी काँग्रेस पक्षाच्या (अजित पवार गट) एरंडोल तालुकाध्यक्षपदी भागवत पाटील तर शहराध्यक्षपदी अ‍ॅड. ईश्वर बिर्‍हाडे यांची नियुक्ती करण्यात आली. सदर नियुक्ती माजी पालकमंत्री डॉ. सतिष पाटील, माजी मंत्री गुलाबराव देवकर, जिल्हाध्यक्ष संजय पवार यांच्याहस्ते करण्यात आली. दोन्हींच्या नियुक्तीमुळे त्यांचे सर्वत्र अभिनंदन होत आहे.
भागवत पाटील हे उत्राण गावाचे माजी सरपंच व माजी पंचायत समिती सदस्य असुन आगामी जि. प. निवडणुकीत तळई उत्राण जि. प. गटात प्रबळ दावेदार असल्याचे बोलले जात आहे. एरंडोल तालुका अजित दादांच्या विचार व विकासभिमुख दृष्टी प्रत्येक घटकापर्यंत पोहोचुन पक्षवाढीसाठी जोमाने काम करण्याचा मानस भागवत पाटील यांनी मानस व्यक्त केला.
अ‍ॅड. ईश्वरभ बिर्‍हाडे उच्च शिक्षित असुन माजी पालकमंत्री अण्णासेहेब डॉ. सतिष पाटील यांचे कट्टर निष्ठावंत कार्यकर्ते म्हणुन शहरात परिचित असून दलित समाजातुन शहरात नेतृत्व निर्माण करत आहेत. डॉ. सतिष पाटील यांच्या मार्गदर्शनाखाली एरंडोल शहरात सर्व समाजातील लोकांना सोबत घेऊन पक्ष संघटन वाढविणार असुन आगामी नगर पालिका निवडणुकीत शहरात पक्षाची चांगली कामगिरी करण्यावर भर राहील असे अ‍ॅड. ईश्वर बिर्‍हाडे यांनी म्हटले आहे. सदर नवनियुक्त पदाधिकारी यांचे तालुक्यातुन सर्वत्र अभिनंदन केले जात आहे.
