प्रतिनिधी एरंडोल – तालुक्यातील कासोदा येथे गुप्त बातमीदारामार्फत सपोनि निलेश राजपूत यांना माहिती प्राप्त झाली की कासोदा शहरातील फरकांडे चौफुलीजवळ एक इसम हातात तलवार घेऊन संशयास्पद हालचाली करीत आहे अशी गोपनीय माहिती मिळाल्याने संबंधित इसमावर पाळत ठेवून तलवारीसह ताब्यात घेण्यासाठी व सदर इसमावर कायदेशीर कारवाई करण्यासाठी पोलीस स्टेशन कडील पो.अंमलदार नरेंद्र पाटील , सोनू पाचुंदे यांना रवाना केले.
सदर ठिकाणी पोलीस स्टाप पोहचल्यावर तेथे इसम नामे राघव रामा कुवर रा.कोळबल्ली चेंबर गलवाडा रस्ता कासोदा हा त्याच्या हातात तलवार बाळगुन दहशत पसरवून सार्वजनिक शांतता भंग करीत असल्याचे निदर्शनात आल्याने सदर इसमास ताब्यात घेऊन त्याच्यावर कायदेशीर कारवाई करण्यासाठी पोलीस स्टेशनला आणण्यात आले होते.व त्याच्याकडून धारदार पात्याची तीन फूट लांबीची तलवार जप्त करून त्याच्यावर गुन्हा दाखल करण्यात आला आहे.
सदर कारवाई पोलीस अधिक्षक डॉ. महेश्वर रेड्डी यांच्या आदेशानुसार व अप्पर पोलीस अधीक्षक कविता नेरकर , उपविभागीय पोलीस अधिकारी विजयकुमार ठाकूरवाड यांच्या मार्गदर्शनाखाली सहाय्यक पोलीस निरीक्षक निलेश राजपूत ,पो.उ.निरीक्षक धर्मराज पाटील, रामकृष्ण पाटील , नितीन सूर्यवंशी , राकेश खोंडे , श्रीकांत गायकवाड , निलेश गायकवाड , योगेश पाटील , दिपक देसले यांच्या पथकाने ही कारवाई केली आहे.
