*एरंडोल येथे ‘ सेवा पंधरवाडा ‘ निमित्त महसूल विभागातर्फे भिलवस्तीत शासकीय योजना मार्गदर्शन शिबिराचे आयोजन……!*
प्रतिनिधी एरंडोल- शासनाच्या विविध योजनांचा लाभ पात्र नागरिकांपर्यंत जलद गतीने व पारदर्शक पद्धतीने पोहोचावा, यासाठी राज्य शासनाने हाती घेतलेल्या “ सेवा पंधरवाडा कार्यक्रम ” अंतर्गत आज २६ सप्टेंबर २०२५ रोजी एरंडोल येथील भिलवस्तीत विशेष शिबिराचे आयोजन करण्यात आले.
या शिबिरामध्ये झोपडपट्टीत राहणाऱ्या आर्थिकदृष्ट्या दुर्बल व वंचित घटकातील नागरिकांचे अर्ज (फॉर्म) भरून घेण्यात आले.जिल्हाधिकारी आयुष प्रसाद यांच्या आदेशानुसार तसेच तहसीलदार प्रदीप पाटील यांच्या मार्गदर्शनाखाली हा उपक्रम राबविण्यात आला.
या कार्यक्रमास नायब तहसीलदार अमोल बन,सहाय्यक महसूल अधिकारी अय्याज शेख, महसूल सहाय्यक विजय कोळी व विशाल सोनवणे हे उपस्थित राहून लाभार्थ्यांचे अर्ज तपासणी, मार्गदर्शन व पूर्तता याचे कामकाज पाहिले.
लाभार्थ्यांना शासनाच्या योजनांची माहिती देणे, आवश्यक कागदपत्रांची पूर्तता करून घेणे तसेच ऑनलाईन पद्धतीने अर्ज नोंदणी करण्याची सोय यामुळे नागरिकांचा उत्साह वाढला होता. शिबिरात महिलांसह वृद्ध व युवकांनीही उत्स्फूर्त सहभाग घेतला.
या उपक्रमामुळे शासनाच्या योजना झोपडपट्टीतील वंचितांपर्यंत प्रत्यक्ष पोहोचत असल्याचे समाधान व्यक्त होत असून, शासन-प्रशासनाची लोकाभिमुख भूमिका अधोरेखित झाली आहे.
